Tuproqqal’a tumanida Davlat bayrog‘i qabul qilinganining 34 yilligi nishonlandi

Bugun Tuproqqal’a tumanida O‘zbekiston Respublikasi Davlat bayrog‘i qabul qilinganining 34 yilligiga bag‘ishlangan tantanali tadbir bo‘lib o‘tdi. Tadbirda tuman hokimi Akmal Jimalyazov, davlat va jamoat tashkilotlari rahbarlari, nuroniylar, harbiylar, yoshlar hamda keng jamoatchilik vakillari ishtirok etdilar.

Tadbir davomida Davlat bayrog‘imizning yaratilish tarixi va mustaqillik timsoli sifatidagi ahamiyati haqida so‘z yuritildi. Har bir fuqaro Vatan ramzlariga chuqur hurmat va faxr bilan yondashishi zarurligi ta’kidlandi.

🎨 Tadbirda ishtirok etishdi:
Tuproqqal’a tuman 6-son Bolalar musiqa va san’at maktabining Tasviriy san’at va Xalq cholg‘ulari (Doira) yo‘nalishi o‘qituvchilari hamda iste’dodli o‘quvchilari o‘z chiqishlari bilan tadbirga munosib hissa qo‘shdilar.