Ta’sirli xotira kechasi va maktabimiz faxri

2026-yil 16-yanvar: Ta’sirli xotira kechasi va maktabimiz faxri! 🎶

📅 16-yanvar kuni O‘zbekiston Kompozitorlar Uyushmasi binosidagi kontsert zalida mashhur san’atkor Shirin Abdullayeva xotirasiga bag‘ishlangan “Tugallanmagan qo‘shiq” nomli ta’sirli xotira kechasi bo‘lib o‘tdi. Tadbir milliy madaniyatimiz rivojiga katta hissa qo‘shgan yosh ijodkorning ijodiy merosini yod etish va keng jamoatchilikka yetkazish maqsadida tashkil etildi. 

🎤 Ushbu nufuzli san’at tadbiriga Yuldashova Og‘iloy  taklif etildi. Tadbir davomida O‘zbekiston Kompozitorlar Uyushmasi raisi Rustam Abdullayev Og‘iloyga samimiy duo qildi, ezgu tilaklarini bildirdi va ijodiy yo‘lida muvaffaqiyat tiladi. Og‘iloy o‘zining chiroyli va ta’sirchan qo‘shiqlari bilan barchani xursand qildi, tomoshabinlar tomonidan iliq olqishlarga sazovor bo‘ldi.

🌟 Og‘iloyning bu kabi tantanali san’at kechasida ishtirok etishi — uning xalqaro tanlovlarda erishgan yutuqlari va ijodiy salohiyatining yana bir yorqin namunasi bo'ldi.