Yangi yil oldi bayramona hisobot konserti

2025-yil 18-dekabr

Bugun maktabimizda Yangi yil oldi bayramona hisobot konserti bo‘lib o‘tdi! ✨🎄

🎶 Konsertda vokal va fortepiano yo‘nalishi o‘quvchilari o‘z ijodiy chiqishlari bilan ishtirok etdilar. Tadbirga Qorbobo tashrif buyurib, asosan o‘quvchilarga Tashakkurnoma va sovg‘alar topshirdi 🎁📜.
Shuningdek, musiqa terminlarini bilish bo‘yicha o‘tkazilgan tanlovda faol qatnashgan ota-onalar ham e’tibordan chetda qolmadi.

👨‍👩‍👧‍👦 Yosh ijrochilarni qo‘llab-quvvatlash uchun onalar, otalar, buvilar, bobolar, opa-singillar va aka-ukalar tashrif buyurdilar. Har bir chiqish qizg‘in olqishlar bilan kutib olindi 👏👏.

🌟 Ushbu konsert bolajonlarimiz uchun katta sahnaga ilk qadam, ota-onalar uchun esa farzandlari yutuqlaridan faxrlanish lahzasi bo‘ldi.

💫 Aziz ota-onalar va aziz o‘quvchilar! Farzandlarimizning iste’dodini birgalikda qo‘llab-quvvatlaylik, ularni san’at yo‘lida dadil olg‘a undaylik.
Barchangizga mustahkam sog‘lik, oilaviy fayz-baraka va yangi yilda yanada ko‘plab ijodiy yutuqlar tilaymiz! 🎶🌟