“Ijod maskani” va “Xorazmda Madaniyat ta’limi oyligi” doirasida Xalq cholg‘ulari bo‘limi konserti

2025-yil 12-dekabr

Bugun 6-son Bolalar musiqa va san’at maktabining konsert zalida Xalq cholg‘ulari bo‘limi o‘quvchilari tomonidan navbatdagi ijodiy konsert dasturi bo‘lib o‘tdi.

Tadbir Madaniyat vazirining 2025-yil 26-sentabrdagi “Ijod maskani” turkum tadbirlari hamda Madaniyat boshqarmasining 2025-yil 14-noyabrdagi 72-son “Xorazmda Madaniyat ta’limi oyligi” buyrug‘i ijrosini ta’minlash maqsadida tashkil etildi.

🎵 Konsert davomida o‘quvchilar doira, dutor bas, akkordeon, ksilofon, rubob   kabi milliy cholg‘ularda boy musiqiy merosimizdan namunalar ijro etdilar.
Shuningdek, an’anaviy kuylar bilan bir qatorda zamonaviy kompozitsiyalarga ishlangan musiqiy asarlar ham ijro etilib, tomoshabinlarga yorqin kayfiyat ulashdi.

✨ O‘quvchilarimizning sahnadagi ishonchli chiqishlari, ustozlarning mehnati va milliy cholg‘ularimizning betakror ohanglari tadbirga o‘ziga xos ruh bag‘ishladi.